BUTUAN CITY – Tutukan ang performance sa kapulisan ning rehiyon sa Caraga sa bag-ong regional director sa Police Regional Office kon PRO-13.
Kini nang nahimong mensahe sa bag-ong milingkod nga director nga si Brig. Gen. Romeo Caramat Jr. atol sa gihimon turn-over ceremony kaganina lang.
Sa pakighinabi kang Police Capt. Augustine Navarro, Regional information Officer sa PRO-13, gipadayag niining sugdan sa bag-ong regional director ang iyang trabaho pinaagi sa pag-audit sa performance sa kapulisan ilabina sa mga provincial og city director.
Nasayrang gihulipan ni Caramat si Brigadier General Joseliton Esquivel jr kansa miretiro usab kagahapong adlawa.
Gi-awhag usab ni Police Capt. Navarro ang katawhan nga mokooperar sa kapulisan aron makab-ot ang tinguha nga kahapsay og kalinaw.
Kini dungan sa pag-aghat sa tanan nga obserbahon ang mga protocol nga gipakanaog sa Health Departmennt aron mabuntog ang kasamtangang Covid-19.
