BUTUAN CITY – Gipatuman karon sa Northern New South Wales sa Australia ang total fire ban human nga mi-abot sa 101 ka mga wildfires ang natala sa tulo ka mga estado sa mang nasud kagahapong adlawa karong pasugod pa lang sa wildfire season.
Tungod sa maong ban, gidili sa kagamhanan ang pagluto gawas sa balay o kaha maghaling.
Sa eksklusibong pakighinabi sa Bombo Radyo Butuan, gipadayag ni Bombo international news correspondent Denmark Suede nga mi-abot sa 70 ka mga wildfires ang natala kagahapon sa estado sa New South Wales samtang 30 sa estado sa Queensland ug usa sa estado usab sa Tasmania.
Gidugang ni Suede, ang wildfire season, usa ka natural phenomenon nga kanunay’ng maka-apekto sa lapad nilang kalasangan rason nga lisod sumpuon sulod lang sa usa ka adlaw.
Nagpadala na og mga fire fighters ang ilang mga silingang nasud sa Canada, New Zealand ug Estados Unidos aron mutabang pagpalong sa kalayo.
