BUTUAN CITY – Target sa Department of Agriculture kon DA nga mapadayon ang pagpamaligya og bugas nga nagkantidad og P20 kada kilo hangtod sa tuig 2028, subay sa mando ni Pangulong Ferdinand Marcos Jr. ug himuon kining long-term.
Sumala ni Agriculture Secretary Francisco Tiu Laurel Jr., ang inisyal nga plano hangtod ra unta sa Disyembre ning tuiga apan posible kining mapalapdan pa hangtod sa Pebrero sunod tuig.
Sa ilang tigom uban sa Pangulo, nasabutan nga tugutan ang matag-residente sa Visayas nga makapalit og 10 kilos sa barato nga bugas matag semana o 40 kilos matag bulan.
Napili ang Visayas isip pilot area sa implementasyon tungod sa taas nga panginahanglan sa rehiyon. Gisaad usab ni Laurel nga himuon kini nga programa sa tibuok nasud sa umaabot ilabina nga aduna silay igong stock niini.
