BUTUAN CITY – Posibleng sobra sa katunga sa mga miyembro sa Kamara de Representantes ang mobotar pabor sa impeachment ni Vice President Sara Duterte, sumala ni House Deputy Speaker Janette Garin.
Sigon sa Kongresista, kung mahitabo kini molapas sa kinahanglang 106 ka boto sa Kamara aron mapasa ang impeachment complaint sa Senado para sa pagtaral.
Sigon usab ni Garin nga sa ilalom sa Lakas-CMD, dunay kapin 80 ka miyembro na kini sa Kamara, posibleng 2/3 ang musuporta sa impeachment base sa ebidensyang gilatag sa mga pagdungog.
Bisan paman niini gitumbok niya nga dunay pipila ka magbabalaod nga mamahimong maimpluwensiyahan sa pulitika ug kahimtang sa ilang distrito, ilabina na sa Mindanao.
Punto pa ni Garin nga walay mahimong usa ka party stand ang Lakas-CMD ug pasagdan ang mga miyembro niini nga mobotar sumala sa ilang konsensya.
Samtang gibutyag usab ni Bicol Saro Party-list Rep. Terry Ridon nga gilauman niyang sobra sa katunga usab sa party-list representatives ang musuporta sa impeachment complaint.
Sa pikas bahin, gipamugos ni Davao City 1st District Rep. Paolo Duterte nga dili dapat maimpluwensiyahan sa pressure ang boto sa mga magbabalaod dungan sa alegasyon nga gigamit matud pa ang budget ug Statements of Assets, Liabilities and Net Worth (SALNs), aron impluwensiyahan ang boto.
Ginegar kini sa pipila ka tuig ug gihagit ang kampo sa bise presidente nga moatubang sa deliberasyon sa Kamara.
Padayon usab nga gilauman sa House Committee on Justice ang pagtapos sa committee report ug articles of impeachment, nga hisgutan adiser isubmite sa plenaryo.
Nakatakdang mobotar ang Kamara sa committee report sa umaabot nga Mayo 11.
