BUTUAN CITY – Mikanaog na si Keir Starmer isip Prime Minister sa United Kingdom ug lider sa Labour Party base na sa iyang anaunsyo sa Downing Street.
Ang iyang desisyon iyang gi-anunsyo usa ka adlaw human ang pagdaug ni Andy Burnham sa usa ka by‑election nga naghatag kaniya og oportunidad nga mu‑challenge sa liderato sa Labour Party kondiin daghang Labour MPs ang misuporta sa iyang kandidatura. Si Andy Burnham, kanhi mayor sa Manchester, mao ang pinakadako nga kandidato nga mahimong mopuli
Sa iyang mensahe, nagpasalamat siya sa iyang pamilya ug nagbutyag nga gusto na niyang mag‑focus sa iyang papel isip bana ug amahan dayong butyag nga magpabilin siya sa posisyon hangtod makapili og bag‑ong lider ang Labour Party sa dili pa magsugod ang recess sa Parlamiento sa Setyembre.
Magsugod ang nominasyon sa bag‑ong lider sa Hulyo 9, ug gila-umang makapili og bag‑ong lider ug Prime Minister sa dili pa magsugod ang recess sa Septyembre ning tuiga.
Madumdumang human sa 2024 election, ang Labour Party ni Starmer nakadaug og dako nga mayorya, apan sa duha ka tuig naglisod sila sa momentum ug nakasinati og daghang kontrobersiya ug kapildihan sa lokal nga eleksyon ug dinhi na nagsugod ang pressure sulod sa partido kondiin daghang kauban sa Labour ang nagtuo nga dili na siya ang pinakamaayo nga lider para sa sunod nga general election.
