BUTUAN CITY – Gi-otopsiya na sa Scene of the Crime Oeratives kon SOCO-Caraga ang patay’ng lawas sa usa ka retiradong magtutudlo kinsa napalgan na lang nga wala na’y kinabuhi sulod sa iyang panimalay pasado alas-5:30 kagahapon sa hapon.
Sa eksklusibong pakighinabi sa Bombo Radyo Butuan, gi-ila sa imbestigador sa Buenavista Municipal Police Station nga si Police Staff Sergeant Alexander Avenido Jr., ang 87-anyos nga biktimang si Pedra Madios, residente sa Purok 7, Brgy. Malapong, Buenavista, Agusan del Norte.
Migawas sa ilang imbestigasyon nga katapusang nakita ang biktima ning mi-aging adlaw apan wala na kini migawas pa sa iyang balay kagahapong adlawa rason nga gi-adtuan na kini sa iyang mga pag-umangkon ug didto nakitang naghay-ad na kini sa iyang katre nga nagkadugo ang dagway ug wala na’y kinabuhi.
Napuno sa bun-og ang iyang nawong ug li-og samtang nakita usab sa crime scene ang tubo sa stand fan nga gitu-uhang maoy gigamit pagtuok sa biktima.
