BUTUAN CITY -Nasikop sa mga sakop sa Buenavista Municipal Police Station uban sa Provincial Intelligence Team Agusan del Norte; Regional Intelligence Unit (RIU) 13; ingon man sa Intelligence Group, Counter-intelligence Division (IG-CID) ang usa ka pulis nga wanted sa Purok 8, Sitio Tinago, Barangay Matabao, Buenavista, Agusan del Norte kagahapon.
Naila ang dinakpan nga si alias “Demrick”, 29-anyos, ulitawo ug membro sa Philippine National Police kon PNP, kinsa kasamtangang na-assign sa Butuan City Police Station 5, ug residente sa dapit diin siya nasikop.
Gisikop siya base sa warrant of arrestsa kasong frustrated homicide nga duna’y girekomendang pyansa balor P72,000. Sigon sa Agusan Del Norte Police Provincial Office, dili nila i-tolerate ang bisan unsa mang mga criminal activities, bisan unsa pa man ang affiliation nila tali sa Philippine National Police (PNP).
