BUTUAN CITY – Nakabiya na sa barko nga na-igo sa Hantavirus ang katapusang mga pasahero samtang gikumpirma sa otoridad nga dunay bag-ong tulo ka positibong kaso nga makutay sa deadly outbreak.
Ang MV Hondius nga mibiya sa Tenerife ngadto sa Netherlands human nga nakapadanaog ang unom ka pasahero nga gilangkuban sa 4 ka Australians, usa ka Briton og usa ka New Zealander ug dunay pipila ka crew members ang minaog usab.
Nasayrang tulo ka pasahero ang namatay sa biyahe sa barko diin duha niini ang kumpirmadong naigo sa Hantavirus,
Usa ka Amerikano ug usa ka French national nga nakapauli na sa ilang nasod ang nagpositibo sa hantavirus.
Pito ka kaso sa hantavirus nga may kalabutan sa MV Hondius ang nakumpirma, samtang duha pa ka kaso ang ginasuspetsahan, sumala sa World Health Organization kon WHO.
Sigon sa health ministry sa Spain nga usa ka Espanyol nga naka-quarantine karon sa Madrid human ma-evacuate gikan sa barko ang provisional nga nagpositibo usab sa hantavirus niadtong Lunes.
Samtang duna pay usa ka Amerikano nga sakay sa repatriation flight niadtong Domingo ang nagpakita og mild nga mga sintomas. Dugang pa niini ang duha ka pasahero nga gipapauli gamit ang “biocontainment units” isip dugang pag-amping.
Sigon ni Stéphanie Rist, Health Minister sa France, usa ka babaye ang naka-isolate karon sa Paris ug nagkadaot ang pagkadaot sa iyang lawas samtang 22 ka close contacts na ang na-trace.
Samtang, duha ka British nationals nga kumpirmadong adunay hantavirus ang kasamtangang gitambalan sa Netherlands ug South Africa.
