BUTUAN CITY- Gitiwalag na matud pa ni Senador Imee Marcos ang iyang ig-agaw nga si kanhi House Speaker Ferdinand Martin Romualdez.
Sa exclusive interview sa Bombo Radyo Philippines napangutana si Sen. Marcos kalabot sa posibleng papel sa iyang ig-agaw sa flood control scandal.
Bisan paman wala direktang gitubag ni Marcos ang maong pangutana, sigon niining gitiwalag na niya ang iyang ig-agaw tungod pila ka tuig na silang wala nagka-estorya.
Komedya pang gibutyag sa presidential sister, nga posibleng siya ang gitiwalag sa iyang igagaw.
Dungan niini, gihatagan og ginbug-aton ni Marcos ang kagustohan nga makita ang Senate Blue Ribbon Committee nga mopahigayon og mas lawom pang imbestigasyon batok sa kanhi House leader.
Daghan na matud pay nalambigit sa iyang pangalan nga daw adunay kalabotan sa halapad nga anomaliya, hinungdan nga kinahanglang mag-pukos ang Blue Ribbon panel sa papel niini sa nabulgar nga korapsyon.
