-- ADVERTISEMENT --
BUTUAN CITY – Nagpagawas og pamahayag ang Philippine National Police (PNP) kalabot sa insidente nga nalambigit ang usa ka pulis sa Malolos City nga nagkulata sa iyang partner dihang sila nagkalalis.
Sumala ni Police General Jose Melencio C. Nartatez Jr., gilayon nga gi-relieve sa pwesto ug gipa-ilalom sa restrictive custody ang nasangpit nga pulis nga gikuhaan pa og armas samtang nagpadayon ang imbestigasyon.
Duna na usa’y gihimong administrative ug criminal proceedings aron masiguro ang tulubagon ug patas nga pagpatuman sa balaod.
Nanawagan usab ang ahensya ngadto sa publiko nga likayan ang pagpanghatag og dili beripikadong impormasyon samtang nagpadayon ang imbestigasyon.
