BUTUAN CITY – Gila-umang mapasaka na ugmang adlawa ngadto sa korte ang mga kasong paglapas sa sections 11 ug 12 sa Republic Act 9165 batuk sa usa ka project supervisor human ang malampusong anti-illegal drugs operation kaganinang alas-7:55 sa buntag.
Mi-abot sa walo ka sachets sa gidudahang shabu nga gibana-banang nagkantidad og 52-mil pesos ang nakuha sa mga otoridad gikan sa suspek nga si Jose Julian Rodriguez, alyas Julian Jose, 41-anyos ug taga-Davao City ug project supervisor sa usa ka telecommunications company atol sa gilusad nga operasyon sa iyang gi-abangang boarding house sa may Purok Sari-sari, Brgy. Golden Ribbon ning siyudad.
Sa eksklusibong pakighinabi sa Bombo Radyo Butuan, gipadayag ni Butuan City Police Office spokesperson Major Emmerson Alipit, ipa-ilalom sa drug test ang suspek human na-uli ngadto sa issuing court ang search warrant batuk kaniya.
Pila ka semana matud pa nilang gipa-ilalom sa surveillance ang suspek adiser gihimo ang malampusong operasyon.
Alayon niini, nagpahimangno ang opisyal ngadto sa tanang wala pa mi-undang ug paggamit sa ginadiling druga nga hunungon na ang ilang na-andang hiwing binuhatan.
Kini tungod kay 24/7 silang gihulatan sa kapulisan nga mutahan na ug mu-undang na sa ilang binuhatan apan kung padayon matud pa silang magmagahi, posibleng adtuon na sila sa mga otoridad sa ilang pinuy-anan.
