BUTUAN CITY – Malampusong nasikop sa police operatives ning adlawa ang most wanted person kinsa number 4 sa Communist Terrorist Group (CTG) priority target sa Police Regional Office kon PRO-13.
Kini subay na sa kamanduan ni PNP Chief Debold Sinas ngadto sa mga regional offices nga bag-uhon ang paningkamot nga madakpan ang tanang mga criminal suspects nga duna’y standing warrants.
Gi-ila ni PRO 13 Director, PBGen. Romeo Caramat Jr ang nadakpan nga si Jude Laray kinsa na-ila usab nga si Ka Oding” ug Kumander Bryan’, 27-anyos, usa ka political instructor sa Sandatahang Yunit Propaganda Kingdom ubos sa Guerilla Front 4A, North Central Mindanao Regional Committee ug residente sa P-29, Sitio Caimito, Brgy. Tungao nng siyudad sa Butuan.
Naaresto si Kumander Bryan sa Purok 1, Barangay San Isidro, Sison, Surigao del Norte, tungod sa gi-atubang niining duha ka ihap sa kasong murder, attempted murder ug multiple attempted murder nga gi-isyu sa mga local courts ning siyudad.
Nalista siya sa periodic status report sa threat group sa Regional Intelligence Division ug nalambigit sa sunod-sunod nga harassments ug pag-atake sa Barangay Bangayan lungsod sa Kitcharao, Agusan del Norte; Sitio Bulak, Barangay Lower Olave, Buenavista, Agusan del Norte ug sa Sitio Lamusig, Barangay Tungao, Butuan City; apil na sa pagsunog sa Agusan Milling Philippines (AGUMIL PHIL) niadtong Hulyo 25, 2018.
Migawas sa mga records nga nalambigit usab si Laray sasunod-sunod nga pagpatay nila Jhonny Villamor sa Barangay 4, niadtong Agusto 20, 2018 ug Elim Margaret sa District Narra, Barangay Talisay, pulos sako sa lungsod sa Agusan del Norte niadtong October 17, 2018.
