BUTUAN CITY – Dili makabuot ang kagamhanan sa Pilipinas apil na ang Philippine National Police kon PNP ugaling masabutan sa mga membro sa House of Representatives sa Estados Unidos nga ihunong una nila ang paghatag og pundo sa PNP tungod sa wala pa maresolbang mga kaso sa extra judicial killings.
Sa eksklusibong pakighinabi sa Bombo Radyo Butuan, gipadayag ni Dr. Gerry Caño, presidente sa Philippine Criminologist Federation, nga ang gipadayag sa membro sa US House of Representatives, base ra usab sa political stand sa ilang partido.
Apan giklaro ni Caño nga proposal pa lang kini sa usa ka magbabalaud nga subject for approval pa sa mga membro sa ubos balay bala-uranan sa Estados Unidos.
Aminado si Dr. Caño nga sa tibuok kalibutan, dili malimod nga duna gayoy kapulisan nga gipasakaan og nagkada-iyang kaso kansa maoy angayang tutukan sa PNP aron ang mga international donors, makakita nga naglihok ang mga otoridad batuk sa bisan unsa mang alegasyon apil na niini ang gika-ingong paglapas sa tawhanong katungod atol sa paghimo sa ilang katungdanan.
Giklaro sa opisyal nga ang mga kasong gi-atubang sa kapulisan, duna na’y ilang tubag ng gipasa na usab nila sa kanasurang nagsuporta sa Pilipinas dili lang sa Estados Unidos.
