-- ADVERTISEMENT --
BUTUAN CITY – Target ni Pinoy gymnast Carlos Yulo nga makasakmit na usab og gold medal sa Los Angeles Olympics sa tuig 2028 human ang malampuson niyang Paris Olympics stint.
Tungod niini, subsob nga training na usab ug mga international competitions ang iyang apilan aron magpabiling buhi ang iyang target nga madugangan ang iyang duha ka mga Olympic gold medals.
Sa pagkakaron, wala pa siya’y plano kung unsa ang himuon sa milyunes pisos nga insentibong iyang madawat pag-uli sa Pilipinas.
Ang iya lang siguradong himuon mao ang pagbisita kang Padre Pio aron magpasalamat sa na-angkong kada-ugan dungan sa pagpasalamat sa tanang nag-ampo alang kaniya.
