BUTUAN CITY – Gipaniguro sa Philippine Red Cross nga padayon kining magsuporta sa National Kidney and Transplant Institute, kini human gidugok ang maong balay-tambalanan sa mga pasyenteng dunay Leptospirosis, alayon na usab sa pagsaka sa ihap niini ilabi na sa kaulohang bahin sa Pilipinas kansa nakasinati og lapad nga pagbaha ning nakalabay nga bagong Carina, kansa mas nagpakusog usab sa habagat.
Sumala sa pamahayag ni PRC Chairman ug CEO, Richard Gordon, nagdeploy na matud pa sila og 15 member Medical Corps ingon man Nursing team sa National Kidney and Transplant Institute.
Kahibaloan nga ning tunol na usab ang PRC ngadto sa nasangpit nga balay-tambalanan og mga doxycycline alang sa mga pasynteng dunay Leptospirosis. Alayon niini, target usab sa PRC nga mag deploy og mga volunteer sa uban pang mga ospital sama sa San Lazaro tungod sa gilaumang pag dagsa sa mga pasyente niini.
Lakip sa mga e deploy ang mga nursing staff ingon man mga dialysis technicians samtang magbutang usab sila og mga hospital beds ingon man mga medical beds kung gikinahanglan.
