-- ADVERTISEMENT --
BUTUAN CITY – Usa ka abtik nga iro ang mikuyog sa mga tawo nga nanagan sa usa ka mini-marathon sa Indianapolis ug karon nangita ang kapolisan sa tag-iya niini.
Gipa-ambit sa Indianapolis Police Department sa social media ang body camera footage nga nagpakita sa mga pulis nga nagbantay sa 500 Festival Mini-Marathon dihang ilang namatikdan ang usa ka iro nga nidagan uban sa mga partisipante.
Ang buotan nga iro gidala sa Indianapolis Animal Care Services, diin kini bantayan hangtod mutunga ang iyang mga tag-iya ug kung walay mu-angkon kaniya hangtod Mayo 13, ipasagop na siya.
