BUTUAN CITY – Gi-imbestigahan karun sa Commission on Elections (Comelec) ang mga mikaylap nga video nga matud pa nagpakita kang Batangas 1st District Representative Leandro Leviste nga nanghatag og kwarta sa pipila ka indibidwal.
Sigon ni Comelec Chairman George Erwin Garcia, gihimo na ang fact-finding investigation aron matumbok kung kanus-a nahitabo ang insidente ug kung si Leviste ba kandidato na niadtong panahona.
Sa panig ni Leviste, gilimod niyang dunay kalabutan kini sa panahon sa piniliay ug gipamugos nga nahitabo ang pagpanghatag og kwarta niadtong Pasko ug gikan sa iyang kaugalingong bulsa.
Giakusahan usab niya si Executive Secretary Ralph Recto nga matud pa nagpakaylap sa nasangpit nga video sa social media, butang nga wala pa gikmpirma sa kampo niini.
Sigon ni Leviste, dili dapat gelayon nga husgahan ang iyang paghatag og tabang ilabina kung dili panahon sag eleksyon ug dili sakop sa iyang distrito.
Samtang padayon nga gipahinumduman sa Comelec ang publiko ug mga kandidato nga hugot nga gibawal ang vote-buying ug vote-selling, nga gikonsiderang election offense sa ilalom sa balaod.
