BUTUAN CITY – Misaka pa sa 10 ang total deaths tungod sa COVID-19 ang natala sa Caraga Region.
Sa online press briefing kagabie gikumpirma sa Center for Health Development Caraga nga sa nadwat nilang 33 ka mga RT-PCR confirmatory results gikan the GeneXpert Reference Laboratory sa Butuan Medical Center ug Southern Philippines Medical Center, nasuta nga 20 ang tested negative ug 13 ang nagpositibo sa coronavirus.
Ang mga negatibong RT-PCR results naggikan sa mga high-risk individuals kinsa positibo sa Rapid Antibody-based Tests, health care workers ug close contacts sa kanhi confirmed cases. Sa 13 ka mga positibong kaso, 7 and duna’y close contacts sa kanhi confirmed local transmission cases, 4 ang nadugang nga local transmission cases ug 2 ang mga Locally Stranded Individuals.
Mayorya sa mga niini nag-edad sa 20 hangtud 40-anyos; 13-anyos ang pinakabata ug 61-anyos ang pinakatiguwang ug gilangkuban silai sa 8 ka mga babaye ug 5 ka mga lalaki.
Sigon ni Dr. Jose Llacuna Jr., Regional Director sa DOH Caraga nagsumikad ang mga bag-ong kaso sa Butuan City nga dunay 11, ug tag-usa na sa Rosario, Agusan del Sur ug Tago, Surigao del Sur.
Ang mga bag-ong kaso sa Butuan mga residente sa Villa Kananga nga dunay 4, San Vicente -3, Doongan- 2, samtang tag-usa sa Holy Redeemer ug San Ignacio.
Nakasinati usab ang 8 sa mga niini og mild symptoms samtang 5 ang asymptomatic.Istriktong gimonitor ang mga asymptomatic cases samtang ang symptomatic patients gi-admit na sa managlahing balay tambalanan.
Sa pagkakaron, ang COVID-19 confirmed positive cases sa Caraga region mi-total na sa 537 diin 349 ang recoveries nga na discharged ug nakarekober na. 178 ang mga active cases diin 109 ang mga asymptomatic, 65 ang dunay mild to moderate ug 4 ang nakasinati og severe symptoms samtang 10 na ang namatay.
Samtang ang natalang ikanapulo nga COVID-19 death, nasutang usa ka 80-anyos nga babayeng hypertensive gikan sa Brgy. Baan Riverside ning siyudad kinsa nakasinati og COVID-19 related symptoms niadtong Agusto 24. Gi-admit siya sa usa ka pribadong ospital adtong Agusto 25 alang sa intensive care management apan namatay tungod sa komplikasyon niadtong Agusto 30.
Migawas usab sa datos gikan sa Regional Epidemiology and Surveillance Unit nga ang Butuan City aduna lama’y 8 ka total COVID-19 confirmed related deaths
Giklaro ni Dr. Llacuna Jr. nga negatibo sa confirmatory test ang 33 ka suspected COVID-19 deaths nga gihisgotan ni Butuan City Mayor Ronnie Vicente Lagnada sa press briefing ning nakalabay nga gabii rason nga dili makonsiderang COVID 19 related deaths.
