BUTUAN CITY – Han-ay na ang siguridad sa mga lugar ning lalawigan sa Agusan del Norte nga bisitahon ni Pangulong Ferdinand ‘Bongbong’ Marcos Jr. ugmang adlawa, ang lungsod sa Jabonga ug ang dakbayan sa Butuan.
Sa eksklusibong pakighinabi sa
, gibutyag ni Edgar Palarca Jr., tigpamaba sa provincial government nga duha ka kalihukan ang himuon sa pangulo, una ang pagka-keynote speaker niini sa ceremonial energization sa Agusan Power Corporation sa lungsod sa Jabonga nga tawgon nang Lake Mainit Hydro Electric Power Plant aron maka-operate na.
Pinaagi sa maong kalilhukan nga himuon pasado alas-nueve ugma sa buntag, la-uman na unya sa katawhan dili lang sa maong lungsod kondili sa entiro lalawigan ang dugang supply unya sa kuryente ug ang posibleng pagkunhod usab sa presyo niini.
Pagka-alas dies sa buntag mao na ang panagtapok sa Capitol Covered Court alang sa himuong People’s Day kondiin ang mga national-line agencies magtapok aron muhatag og batakang serbisyo ngadto sa mga Agusanons.
Apil na niini ang Department of Agriculture nga maghatag og ayuda ngadto sa mga mag-uuma ug mga mangingisda; ang Technical Education and Skills Development Authority kon TESDA alang sa ipanghatag nilang livelihood kits; Department of Labor and Employment kon DOLE alang sa himuong job fair nga bukas sa tanang mangaplay sa nagkada-iyang buhatan; ang Department of Social Welfare and Development kon DSWD alang sa AICS payout ug uban pa.
