BUTUAN CITY – Nagpatabang na sa opisina ni Atty. Israelito Torreon ang kabanay ni Ateneo Blue Eagles import Divine Adili nga ka-ubang namatay ni 2025 Palarong Pambansa Most Valuable Player Rene Clert Baterbonia sa team-building nila sa Dipaculao, Aurora niadtong Hunyo 8.
Sa usa ka press conference sa Davao City, gipadayag ni Torreon nga mitawag ang inahan ni Adili gikan sa Nigeria sa usa sa mga abogado niini sa Torreon-Bondoc Law Firm kagahapon Sabado, aron tabangan sila nga makab-ot ang hustisya sa pagkamatay sa ilang anak.
Gibutyag sa abogado nga una nang mitawag ang uyuan ni Andili niadtong Hunyo 10, sa staff nila sa maong firm sa susamang rason.
Sigon ni Torreon andam nilang tabangan ang maong pamilya sama kang Baterbonia apan kinahanglan pa niining himuong pormal adiser dawaton ang kaso.
Mihangyo si Torreon nga unta dili pulitikahon ang pagrepresenta niya sa maong kaso tungod kay tinguha lang niyang masayran ang hinungdan sa pagkamatay sa mga atleta ug mahatag sa ilang pamilya ang gipangayong hustisya.
