BUTUAN CITY – Wala pa gihapon mapalgi hangtud sa pagkutlo niini nga balita ang 2-anyos nga batang lalaki nga kalit lang na-missing sulod sa ilang balay sa Purok 5, Brgy Camayahan ning siyudad sa Butuan ning mi–aging adlaw.
Base kini sa pagkumpirma sa inahang si Wilma Meñoza kondiin tulo ka adlaw na usab nila kining gipangita human ang gihimong ritwal ning mi-aging gabii sa pangindahay nga ma-uli kini kanila kung gikuha matud pa kini sa mga dili ingon nato nga gitu-uhan nilang nagpuyo sa punuan sa balite duol sa ilang balay.
Human ang ubang mga posibilidad sa pagkawala sa anak nga si Ian, laing anggulo nga gilantaw niya karon ang posibleng pagsunod sa bata sa ilang iro.
Gipadayag niining ang ilang binuhing iro ang kanunay nga makaduwa sa iyang anak sulod sa ilang balay ug gitu-uhan niyang misunod kini dihang nanaog ang ilang iro agi sa kusina kondiin kayang makanaog ang iyang anak.
