BUTUAN CITY – Hugot nga gisupak ni Jeffrey “Ka Eric” Celiz, secretary general sa Bangon Sambayanan nga nahimong kumpirmasyon sa Department of Justice nga arestuhon si Senador Ronald Dela Rosa.
Pasabot pa ni Celiz nga sitwasyon nga dili na miyembro sa International Criminal Court ang Pilipinas, dili na mandatory ang kooperasyon kundi voluntary og ang ipagawas nga warrant of arrest kinahanglang dunay validation og confirmation sa korte sa Pilipinas.
Kini aron mahatagan og katungod ang akusado base sa nakalatid sa batakang balaod sa nasud og dili kay dalhon ra siya sa ICC nga wala ma-evaluate ang kabug-at sa iyang kaso.
Gi-akusahan usab niini ang taga Department of Justice nga bisan og nahibalo kini sa balaod, nagpaka-arogante kini aron pagsunod sa mando og pagpa-sipsip.
Gidugang pa ni Celiz nga bisan og tataw kaayu ang gisulti sa balaod, naghiusa gihapon ang mga nag-unang ahensiya sa usa ka tumong, kini mao ang pagtanggal sa mga kaalyado ni Kanhe Pangulong Rodrigo Duterte dinhe sa Pilipinas aron sa ingon, makontrola nila ang senado tungod sa imbestigasyon sa flood control scandal lakip na usab ang himoong impeachment trial batuk kang Vice President Sara Duterte.
Gibatikos usab ni Celiz ang gipakitang pagtrato sa mga otoridad kang Dela Rosa nga daw usa ka notoryos nga kriminal.
Sumala pa niini nga ila pang gihatagan karun sa tanang pagtagad ang pagdakop sa senador apan wala na gipaningkamotan ang pagdakop sa nalambigit sa binilyon nga nakurakot sa kaban sa katawhan sama nila Zaldy Co og Martin Romualdez.
