BUTUAN CITY – Duna na’y gipagawas nga implementing guidelines ang Land Transportation, Franchising and Regulatory Board kon LTFRB kalabot sa resolusyon sa Inter-Agency Task Force alang sa pagdugang na sa ridership sa mga de-pasayruang bus human gikunhuran ang sukod sa physical distancing.
Kini ang giklaro ni LTFRB-Caraga OIC regional director Ma Kristina Cassion aron maklaruhan usab ang transport sector ning siyudad ug rehiyon apil na ang mga sumasakay.
Sa eksklusibong pakighinabi sa Bombo Radyo Butuan, gipadayag ni Cassion nga base sa gipagawas nga Memo Circular 2020-047 gikan sa ilang sentrong buhatan, ang implementasyon niini, epektibo lang ngadto sa mga buses ilabina niadtong duna’y 3X2 o kaha 3 by 1 nga configuration tungod kay mamahimo na silang mag-ukupa sa mga lingkuranan nga distansyahan ang tapad nga lingkuranan kon 1-seat apart ug applicable usab kini sa mga modern bus units.
Samtang giklaro pa sa opisyal nga dili kini applicable sa mga traditional van og multicab tungod kay ang kasamtangang distansyang ilang gi-adaptar sa pag-solicit og pasahero, mao naman ang nakalatid sa memorandum.
Ang nakalahi lang karon ilabina sa mga multicab mao ang pagtugot nga masakyan na og pasahero ang front seat basta duna lamang kini plastic barrier tali sa driver.
Pagka-Oktubre, full capacity na ang makasakay sa bus apan kinahanglang duna gihapo’y plastic barrier taliwa sa mga pasahero.
Kini subay na usab sa katuyuan sa gobyerno nga ma-abli na ang ekonomiya pinaagi sa transportasyon apan kinahanglan gihapong obserbahan ang mga health protocols.
Apil na niini ang dili pagpasakay sa mga pasaherong wala’y suot nga face mask ug face shield ugang pag-istorya istorya samtang sakay sa pampublikong sakyanan.
