BUTUAN CITY- Gibulgar sa usa sa 18 ka gi-ilang maleta boys nga gitanyagan sila og P20 million hangtud P25 million aron mag-recant o mobaliktad sa ilang mga pamahayag kansa naglambigit sa pipila ka mga opisyal sa gobyerno lakip na sila President Ferdinand Marcos Jr. ug kanhi House Speaker Martin Romualdez sa korapsiyon sa flood control projects.
Gihimo ni George Villanon Jr. ang pamahayag human mingperma og recantation affidavits ang upat sa ilang kaubanan. Gi-angkon usab sa upat nga walay kamatuoran ang ilang original nga joint affidavit.
Wala na usab gipanganlan ni Villanon kung kinsa ang naghanyag kanila og dakong kantidad nga kwarta.
Gihimakak usab niini nga gusto sa pa sa ilang ubang kaubanan nga bawi-on ang ilang affidavit, ug dayong butyag nga magpabilin ang ilang baruganan sa kamatuoran sa ilang mga salaysay.
Una na usab nga gilimod ni Atty. Levito Baligod ang akusasyon sa upat ka maleta boys nga gipangwartahan niini ang iyang mga kliyente aron mo mugna og joint affidavit.
Kahinumduman niadtong Pebrero dihang unang gipa-ila ni Baligod ang 18 isip kanhi marines, kansa nagsilbi matud pang bagmen ni kanhi Rep. Zaldy Co sa pagdala og P805 bilyong kickbacks gikan sa anomalusong flood control projects.
