BUTUAN CITY – Puno sa kalipay ug pagpasalamat ang gibungat sa mga nangdaug sa ika-upat nga pagbunot sa mga studio winners nga gipahigayon niadtong Sabado sama na lang kang Valentina Entong sa Purok 3, Brgy. Taligaman ning siyudad tungod kay dakong tabang na alang sa iyang pamilya ang nadag-an niyang 5-mil pesos nga ganting cash ilabina ang pagpalit sa mga gamit sa iyang mga anak nga nagtungha.
Kini ilabina naglabada lang siya ug wala pa siya makaparehistro sa educational cash assistance sa DSWD tugod sa kawala’ cell phone.
Nanawagan siya sa uban nga musalmot na aron mudaog sama kaniya.
Samtang ang ikaduhang mananaog nga si Monica Malazarte, residente sa Purok 8, Brgy. Obrero ning siyudad, kinsa unang pagdaug pa lang niya sa pagsalmot sa promo, nagbutyag nga 50 ka mga entries lang ang iyang gihulog gamit ang tansan sa San Miguel Beer.
Ang nadag-an matud pa niyang 4-mil pesos nga ganti iya usab nga idugang pagpalit og mga school supplies sa iyang mga bata busa dako ang iyang pagpasalamat sa gilusad nga promo sa Bombo Radyo Philippines dayong awhag sa uban nga mu-apil na aron mudaog sama kaniya.
Nakuha na usab ni Lilibeth Sanico nga taga-Purok 5, Brgy. Ong Yiu ning siyudad ang iyang 3-mil pesos nga ganti isip ikatulong mananaug kinsa mibati og kalipay sa iyang nadag-an.
Nagkarag-karag matud pa siya pagdalikyat ning sibyahan human nasayran ang iyang kada-ugan dayong awhag sa uban nga musalmot aron mudao gsama kaniya.
Samtang sa mga nangdaug usab sa online activation –
Malipayong gidawat sa estudyanteng si April Jean Perez nga taga-Crossing Luna, lungsod sa Esperanza, Agusan del Sur ang iyang nadag-ang 3-mil pesos ug balor usa ka libo ka pesos nga gift pack human napili isip pinakanindot nga display sa mga tindang magamit isip proof of purchase ang ilang tindahan alang sa online cash-siyahan week 4.
Nanawagan siya sa tanan nga musalmot usab aron sama kanila bisan og layo, wala damhang midaog.
Sunod nga misakmit sa ilang tag-2 mil pesos nga consolation prize ug balor usa ka libo ka pesos usab nga gift pack si Allan Ranque sa Purok 14, Cigla Village, Brgy. Pagatpatan ning siyudad.
Kini tungod kay makadugang kini sa pangpalit sa iyang mg gamit sa eskwelahan.
Katapusang mi-claim sa iyang nadag-ang susamang ganti mao si Connie Aligato sa Purok 8, Brgy. Obrero ning siyudad kinsa duna usa’y susamang panawagan sa tanan.
