BUTUAN CITY – Angayang i-trace una sa Regional Task Force for COVID-19 One Caraga Shield uban sa Inter-Agency Task Force aron masuta kung asa gikan ang mga nagpositibong kaso ROFs ug LSIs nga nangabot sa Caraga Region.
Kini ang tubag ni Philippine Economic Zone Authority kon PEZA Director General Charito ‘Ching’ Plaza sa lakang nga gihimo sa One Caraga Shield nga mihangyo sa IATF nga magpatuman una og moratorium sa papa-uliong mga stranded Caraganons.
Kini tungod sa rasong sa ilang han-ay gikan ang nadugang nga mga kaso sukad gipatuman sa nasudnong kagamhanan ang ‘Balik Probinsya’ program.
Sa eksklusibong pakighinabi sa Bombo Radyo Butuan, gipadayag ni Plaza nga dili lang sila ang duna’y gipapa-uling mga stranded Caraganons tungod kay mihimo usab niini ang Overseas Workers’ Welfare Administration kon OWWA ug ang Department of Tourism kon DOT.
Gidugang pa ni Plaza nga hugot ilang gisunod ang istrikto kaayong health ug quarantine protocol nga gitakda sa
Gidugang pa ni Plaza nga responsibilidad sa tanan ang pagbantay sa palibot ug pagsunod sa mga health protocols aron dili kini mutapot kanato ilabina dili makita ang maong virus ilabina kung dili magpakita og simtomas ang tawong mataptan niini.
Kinahanglan usab nga pakusgon ang immune system sa lawas ilabina kadtong duna’y problema sa ilang respiratory system. Dili matud pa angayang balibaran sa mga local government units ang manguling mga stranded individuals tungod kay duna’y pundo nga gitagana ang nasudnong kagamhanan alang sa COVID-19 response.
Kini gawas pa sa lakang nga gihimo sa mga LGUs aron matambalan ang mga nagpositibo ilabina nga pila ka buwan na silang na-quarantine ug nahadlok nga posibleng dili na makakita sa ilang pamilya kung mataptan niini.
