BUTUAN CITY – Opisyal nang gi-ila sa mga health experts ang usa ka bag-ong klase sa diabetes nga gitawag og type 5 diabetes kansa kasagarang maka-apekto sa mga batan-on ug niwang nga mga tawo.
Una kining nadiskubrehan sa Jamaica niadtong 1955 fihang adunay mga pasyente nga adunay sintomas sa diabetes apan dili parehas sa type 1 ug type 2 diabetes.
Nagtuo ang mga eksperto nga kini nalambigit sa kakulang sa hustong nutrisyon o malnutrition.
Posible nga milyones na ka mga tawo sa tibuok kalibotan ang aduna sa maong sakit apan wala kabalo niini, labi na sa mga kabos nga nasod.
Sigon sa mga eksperto, ang ubang tawo posibleng sayop nga nadayagnos nga adunay type 1 diabetes.
Sa pagkakaron, wala pa kini opisyal nga gi-apil sa listahan sa diabetes classifications sa Amerika.
