BUTUAN CITY – Aduna’y bag-ong urine test nga maka-detect kung naa pa bay nabilin nga bladder cancer human sa operasyon ug BCG treatment kondiin gitan-aw niini ang tumor DNA sa ihi.
Pinaagi sa maong test, masayran kung naayo na ang pasyente human sa surgery, kung misalir ang BCG immunotherapy ug kung dili ba mutubag sa treatment ug taas ba ang risgo nga mubalik ang cancer.
Base sa pagtuon, kung naa pa’y tumor DNA human sa BCG, dako ang tsansa nga mubalik ang cancer apan kung nawala na ang tumor DNA, maayo kaayo ang resulta.
Ang kadaghanan sa bladder cancer nga mu-abot sa 70 hangtud sa 75%, mga non-muscle invasive bladder cancer, nga early stage pa ug wala pa nakaabot sa muscle.
Kasagaran nga treatment niini mao ang pagtangtang sa tumor pinaagi sa surgery, dayon butangan og tambal sulod sa bladder aron mapatay ang nabilin nga cancer cells.
Ang simple nga urine test makatabang sa mas personalized treatment—mahibal-an kung kinsa ang kinahanglan pa og therapy ug kinsa ang dili na rason nga mas tukma ug mas luwas ang pag-atiman sa pasyente sa umaabot.
