BUTUAN CITY – Padayon nga naapektuhan ang kalidad sa hangin sa Metro Manila tungod sa mga “smoldering conditions” gikan sa sunog sa Navotas landfill nga nagsugod niadtong Abril 10, 2026.
Sumala sa Philippine Space Agency (PhilSA),wala pa mibalik sa normal nga lebel ang kalidad sa hangin, base sa ilang satellite monitoring.
Ang mga satellite data nagpakita sa taas nga lebel sa nitrogen dioxide (NO2), usa ka pollutant nga resulta sa pagkasunog, nga mas taas pa kumpara niadtong Abril 6, adiser nagsugod ang sunog.
Ang Valenzuela City, lakip sa mga pinaka-apektadong lugar nitala og “very unhealthy” o 177 Air Quality Index (AQI).
Gitambagan ang mga residente, ilabina ang dunay sakit sa kasing-kasing o baga, nga magpabilin sulod sa balay ug likayan ang grabeng air pollution.
Naglatag usab og field hospital ang Department of Health (DOH) sa Obando, Bulacan aron mag-monitor sa panglawas sa mga apektadong residente.
Ang Department of Environment and Natural Resources (DENR) nagpatumbok sa monitoring sa air quality samtang ang mga awtoridad mihimo og mga lakang aron matubag ang panglawas ug palibot nga epekto sa sunog.
