BUTUAN CITY – Miani og espekulasyon sa social media ang aktres-content creator nga si Katrina Halili ug R&B singer nga si Kris Lawrence human sila makitang magkauban sa usa ka Holy Week “reset” trip sa El Nido, Palawan, kauban ang ilang anak nga si Katie.
Human ang ilang panagbulag niadtong 2014, subling nahisgutan ang posibilidad sa reconciliation tungod sa mga sunod-sunod nilang posts nga nagpakita sa ilang bakasyon lakip na ang island hopping, sunset viewing, ug pagkaon kauban ang mga higala.
Sa usa ka video usab nga gipa-ambit ni Katrina sa social media, makitang nagbaktas siya sa daplin sa dagat ug gisulat ang “MR.B,” ang tawag niya kang Kris.
Sa ulahing parte sa clip, makitang midool si Kris sa iya samtang nagtutuk.
Si Kris usab nag-post og hulagway nila samtang gitan-aw ang pagsalop sa adlaw nga gisundan sa litrato nilang duha nga nag-atubang.
Tungod niini, nanggawas ang mga reaksyon sa fans, diin daghan ang gikilig ug naglaum nga makabaton og “comeback” ang kanhe manag-uyab.
Bisan paman sa mga espekulasyon, wala pay kumpirmasyon gikan nila Katrina ug Kris mahitungod sa panagbalik.
