BUTUAN CITY – Ang sayo nga pagtumaw sa colorectal cancer kansa mao ang kanser sa colon o rectum, matala sa mga tawo nga ubos sa 50 anyos ang panu-igon. Kaniadto kasagaran kini makita sa mga tigulang, apan karon padayon ang pagsaka sa kaso niini sa mga batan-on sa tibuok kalibotan.
Sumala sa mga pagtuon, paspas ang pagsaka sa colorectal cancer sa mga batan-on kumpara sa mas tigulang nga edad.
Mga 1 sa matag 5 ka kaso karon makita sa mga tawo nga ubos sa 55 anyos ang edad ug kini usab karon ang usa sa nag-unang hinungdan sa kamatayon sa mga anaa sa edad nga 50 anyos pa-ubos.
Bisan nagkadaghan ang kaso, wala pa masabti sa hingpit kiung unsa ang hinungdan niini.
Sigon sa mga tigdukiduki, posible adunay dakong epekto ang “exposome,” o tanang butang nga na-expose ang usa ka tawo sa tibuok niyang kinabuhi ug unsaon niini pag-apekto sa iyang panglawas.
Sa bag-ong pagtuon, nakita nga ang mga ka-usaban sa lawas nga nalambigit sa pagkaon, panigarilyo, ug exposure sa pesticide nga mahimong makatabang pagsabot nganong nagkadaghan ang kaso sa colorectal cancer sa mga batan-on.
