BUTUAN CITY – Daghan og mahatag nga benepisyo sa atong panglawas ang pag-ehersisyo tungod kay makatabang kini aron magpabiling sakto ang timbang, mu-ubos ang blood pressure, ug maminusan ang risgo sa heart attack.
Migawas sa usa ka pagtuon human nga gi-explore kung mas maayo ba kung ang oras sa exercise muha-um sa natural nga oras nga alerto ang usa ka tawo sama niadtong morning person o kaha night person.
Migawas sa ilang pagtuon nga kung nag-exercise ka sa oras nga natural kang alerto, mas maayo ang epekto niini ilabina sa pagpa-ubos sa blood pressure ug gawas pa sa mahatud niining improvement sa bad cholesterol ug sa pagtulog.
Ang mga partisipante niini mao kadtong mga hamtong nga dili active ug aduna’y risgo sa sakit sa kasing-kasing.
Kini nagpasabot nga dili lang unsa ka mag-exercise ang importante, kundi apil usab kung kanus-a mas maayo kung mu-angay sa imong natural nga body clock.
