Butuan City – Gihulat na lang sa kapulisan sa lungsod sa Nasipit, Agusan del Norte nga mahimong stable na ang kondisyon sa kanhi bise-mayor sa maong lungsod kinsa nadakpan tungod sa gi-atubang niining kasong duna’y kalambigitan sa pag-operate niini kaniadto sa Forex investment scam.
Ang suspek nga si kanhi Nasipit, Agusan del Norte Vice Mayor Ronald ‘Posoy’ Timogan, anaa pa sa ospital human mitaas ang presyon sa iyang dugo dihang gi-serve na kaniya ang arrest warrant tungod sa kasong gipasaka sa mga biktima sa kanhi gi-operate niining investment scam.
Ang suspek mao usab ang coordinator sa Kabus Padatoon o KAPA Community International Ministry Incorporated dinhi sa siyduad sa Butuan ug lalawigan sa Agusan del Norte.
Una nang gipadayag ni P/Maj. Edgar Allan Serquiña – hepe sa Nasipit Municipal Police Station, wala’y pyansang girekomenda sa iyang gi-atubang nga kasong estafa.
