Alex Eala sulod na sa ika-duhang round sa Madrid Open

BUTUAN CITY- Sulod na sa ika-duha nga round sa Madrid Open si Pinay tennis star Alex Eala.

Kini human sa impresibong kada-ugan batok sa Russian veteran Anastasia Pavlyuchenkova sa score nga 6-3, 6-3.

Dominado sa Pinay world number 44 ang duwa kung asa gihuman niini ang away sulod sa usa ka oras ug 31 minuto.

Mingbilib ang 34-anyos nga Russian tennis star sa nahimong performance ni Eala.

Sunod nga maka-atbang ni Eala mao si Elise Mertens sa Belgium.

Magdula usab si Eala sa doubles kauban ang Zeynep Somnez sa Turkiye.