BUTUAN CITY – Na-ugdaw sa natigayong sunog kagahapon sa hapon ang usa ka bungalow ug dos-andanas nga duplex-type nga balay sa Brgy Pagatpatan ning siyudad sa Butuan.
Sa eksklusibong pakighinabi sa Bombo Radyo Butuan, gipadayag ni Butuan City acting fire marshal Fire Sr Insp Ronald Vasquez, tulo ka pamilya ang apektado sa sunog kondiin nagsugod ang kalayo sa kusina matud pa sa pinuy-anan sa pamilya Suroy-Suroy.
Tungod kay distansya man ang dapit nga nahitabuan, fully-developed na ang kalayo rason nga padayon na lang ang ilang imbestigasyon ug pagkuha og mga pamahayag sa mga nakasaksi sa insidente.
Padayon pa nilang gisuta kung unsa ang hinungdan sa pag-ulbo sa kalayo.
Gipadayag sa opisyal nga atol sa ilang pagresponde, nakita iya ang dakong hagit sa ingon niini nga panahon unya nagproblema pa sa supply sa tubig ang siyudad sa Butuan.
Alayon niini, nanghinaut siya nga wala na’y lain pang insidente sa sunog ang matigayon tungod kay dakong hagit kanila ang kanihit karon sa water supply ning siyidad.
