BUTUAN CITY – Napalong na ang sunog nga mikuyanap sa Agusan Marsh sa lungsod sa Talacogon, Agusan del Sur. Sa pagkutlo ning balita, napalong na matud pa ang kalayu nga nagtunhay sa Agusan marsh sulod sa 11 ka adlaw.
Hilabihan kalapas ang nadamyos sa maong peat fire incident base na usab sa gihimong aerial survey sa Protected Area Management Office – Agusan Marsh Wildlife Sanctuary kauban ang 3rd Special Forces Battalion, Special Forces Regiment, Philippine Army, Department of Environment and natural Resources og Peatland Conservation Advocate Mike Sabacajan.
Base sa imbestigasyon sa Protected Area Management Office – Agusan Marsh Wildlife Sanctuary, ang posibleng hinungdan sa pag-ulbo sa kalayu mao ang padayon nga pagkaingin ug pagsunog sa mga sagbot aron abugon sa usa ka lugar ang mga isda para daling makuha, usa ka pamaagi sa pagpangisda nga hugot nga gibawal.
Apan base usab sa gihimong scientific assessments, migawas nga ang taas nga Heat Index nagpaubos sa soil moisture, nga mas gipagrabe pa ang sitwasyon sa kawalay pag ulan rasong ugna na kaayu ang yuta nga sumala sa nga eksperto, sa gamay lang nga pagduslit mumugna kini og dakong kalayu ilabina kung dunay magka-ingin.
