BUTUAN CITY- Malampusong nasikop sa mga operatiba sa 2nd Agusan del Norte Provincial Mobile Force Company kon ADNPMFC kauban sa Tubay Municipal Police Station ang Top Four Most Wanted Person sa rehiyon kansa giila nga si alias “Alicio,” 41 anyos, minyo, gold miner ug residente sa Purok-5, Barangay Victory, Tubay, Agusan del Norte kagahapong adlawa Abril 27, 2026, base na usab sa warrant of arrest nga gipagawas sa Regional Trial Court, Branch 34, Cabadbaran City, alang sa tulo ka kaso sa sexual assault ug duha ka kaso sa acts of lasciviousness in relation to RA 7610, nga adunay tagsa-tagsa ka bail bond nga Php120,000.00.
Sumala ni PCOL April Mark Young, Provincial Director sa Agusan del Norte Police Provincial Office, ang pagdakop resulta sa intelihensiyadong operasyon nga gibase sa surveillance, community reports ug impormasyon gikan sa mga kasaligan nga tinubdan, ug nagpadayag kini nga ang kapulisan hugot nga nagpatuman sa balaod aron masiguro nga ang mga kriminal mapanubag sa ilang mga binuhatan.
