BUTUAN CITY – Gideklara sa lungsod sa Esperanza, Agusan del Sur nga Persona non Gratan ang CPP-NPA ug ilang ka-alyadong organisasyon.
Nahimong epektibo ang deklarasyon sa dihang nagpalabang ang Municipal Legislative bodies sa pagpanguna ni Vice Mayor Eric Rey G. Siohan og Resolution number 273 series of 2019 atol sa gihimo nga 9th Regular Session sa 20th Sangguniang Bayan nga gipahigayon sa SB Session Hall sa maong munisipalidad niadtong Oktubre 7.
Nakalatid sa resolusyon nga ang CPP-NPA ug ilang ka-alyadong organisasyon dugay nang natumbok nga ang nag-unang ideolohiya mao ang paghulip sa kasamtangang democratikong Sistema sa gobyerno ngadto sa kumunista.
Ang presensiya ug aktibidad sa Communist Terrorists mao ang problema sa entiro nasud ug gikonsiderang hulga sa National Security tungod sa pagpanghadlok sa katawhan diha sa kumunidad, pag-recruit og bag-ong miyembro ug pagpatay sa mga miyembro sa IPs, barangay officials ug sibilyan kansa misupak sa ilang propaganda.
Sa pamahayag ni Municipal Mayor Leonida P. Manpatilan gitumbok niini ang pagbuhat sa ilang kabahinan isip parte sa gipakusgang kampanya sa nasudnong kagamhanan nga mawagtang na ang kumunista.
