BUTUAN CITY – Nagpaabot og dakong pasalamat ang Indigenous People’s Mandatory Representative kon IPMR sa San Miguel, Surigao Del Sur nga si Datu Rico Maca human na-neutralize ang usa ka high-ranking leader sa Regional Operations Command sa Northern Eastern Mindanao Regional Committee atol sa engkwentro pasado alas-singko kagahapon sa buntag.
Sigon ni Datu Maca nga sa katapusan nakab-ot na gayud nila ang hustisya human sa kamatayon ni Edilberto Daval alyas “Bong Waco ug Bill,” tungod kay kini ang responsable sa pagpamatay sa daghang mga tribal leaders sa ilang lungsod.
Bisan og dili na maihap ang mga napatay ni Alyas Wako, gipanganlan ni Datu Rico ang iyang mga wala nakalamtan sukad ang gihimong pagpamatay niadtong 2016 sa dihang gipangusgang ipasira ang ilang tunghaan nga ALCADEV.
Sa maong kalampusan, gipasalamatan ni Datu Maca ang kasundaluhan og mga sibilyan nga misuporta pinaagi sa paghatag og impormasyon.
Sa karun, duna nalay usa matud pa ka rebelde NPA ang padayong gipangeta diin wala sila masayud kung naglihok paba kini sa kabukiran o mipalayo na.
Kini mao si Dongkoy Anub, alyas winston.
