BUTUAN CITY- Nagkabahad og kasamok sa Senate of the Philippines kagahapon sa gbaii, Mayo 13, 2026, human adunay nadungog nga mga pagbuto sulod sa maong institusyon. Ang insidente nahitabo samtang si Senador Ronald “Bato” dela Rosa nagpabilin sa Senado aron malikayan ang pagka-aresto niini batok sa daw gi-issue nga arrest warrant sa International Criminal Court (ICC).
Gani walay natalang na-angol ingon man napatay, apan nagresulta kini sa kalit nga lockdown ug pagsaka sa kahadlok ug seguridad sa mga senador ug empleyado sa Senado. Gikwestyon usab ni Senate President Alan Peter Cayetano, ang maon pagpangataki, dayong kompirma nga walay na-angol sa natigayong pinusilay sulod sa Senado, partikular sa partikular sa ikang building kung asa natigayon ang insidente. Gisiguro usab sa Senate President nga dili mabit-bit si Senador dela Rosa.
Samtang giklaro usab ni Department of Interior and Local Government kon DILG Secretary Jonvic Remulla nga wala kini direktang kamadoan sa pagsikop kang Senator Ronald “Bato” Dela Rosa ug dayong butyag nga ang iyang presensya sa pagtungha sa Senado mao protektahan ang mga senador.
Gukomperma usab niini, nga walay na-angol ug napatay sa maong insidente og nagpabiling luwas na ang mga anaa sulod sa Senado. Gibutyag usab ni Remulla, nga adunay mga wala mailhing armadong lalaki ang mingsulay pagsulod sa ikaduhang andana sa Senado, hinungdan nga nagpagawas og warning shot ang mga personnel sa Senate Office of the Sergeant-at-Arms kon OSAA. Nahitabo ang insidente alas-7:46 sa gabii samtang naka-lockdown ang Senado diin asa gipa-ubos sa protective custody si Senador Ronald “Bato” dela Rosa.
Minggrabe ang tensyon human wala gitugotan sa Supreme Court ang hangyo nga temporary restraining order batok kang Dela Rosa kalabot sa arrest warrant nga gipagawas sa International Criminal Court.
