BUTUAN CITY – Hapsay na ang lungsod sa Toboso, Negros Occidental human ang engkwentro tali sa mga rebeldeng New People’s Army kon NPA ug militar nga mikalas og 19 ka mga NPA combatants.
Kini ang assessment sa grupong Buklod Kapayapaan Federation Incorporated human sa ilang gihimong fact-finding mission nga nagsugod niadtong Abril 23 hangtud 27, pila ka adlaw lang human ang engkwentro.
Sa eksklusibong pakighinabi sa Bombo Radyo Butuan, gibutyag sa ilang presidente mga si Noel Legaspi nga wala na’y nasigpatang mga rebelde ang mga residente sa dapit encounter site ug kasikbit nga mga dapit samtang dili na usab kaayo daghan ang presensya sa mga sundalo.
Welcome usab sa ilang grupo ang panawagan sa mga magbabalaud nga imbestigahan ang maong hitabo aron maklaro sa tanan ang kamatu-uran ilabina kadtong nagpasi-atab nga gimasaker ang mga biktima, taliwa nga wala sila sa nasangpit nga dapit atol sa maong hitabo.
Sa kabahinan sa ilang grupo, ang panawagan matud pa sa mga grupong imbestigahan ang hitabo, usa ka klase sa propaganda dayong batikos sa mga pagsaway nga ilang nadawat bahin sa ilang gihimong fact finding mission taliwa nga wala pa sila’y gipagawas nga recommendations.
Kini tungod sa gihingusgan sa mga walhong supporters nga kontaminado na matud pa ang dapit nga nahitabuan kansa maoy rason nga welcome sa ilang grupo ang imbestigasyon.
