BUTUAN CITY – Napatay sa hini-usang pwersa sa 75th Infantry “Marauder” Battalion ug 3rd Special Forces “Arrowhead” Battalion ilawom sa operational control of the 401st Infantry Brigade, ang usa ka high-ranking leader sa Regional Operations Command sa Northern Eastern Mindanao Regional Committee atol sa engkwentro pasado alas-singko kagahapon sa buntag.
Sigon ni Col. Glenn Joy Aynera, acting commander sa 401st Infantry Brigade, Philippine Army, ang engkwentro sa Sitio Casting, Brgy Bayan, lungsod sa Marihatag, Surigao del Sur, miresulta sa pagkamatay ni Edilberto Daval alyas “Bong Waco ug Bill,” ang 2nd Deputy Secretary usab sa Executive Committee sa NEMRC.
Nakuha tupad sa nabuy-uran sa iyang patay’ng lawas ang usa ka Tavor TAR-21 assault rifle. Paglabay sa 30-minutos, natigayon ang ikaduhang engkwentro nga miresulta sa pagsurender ni Jaymark Bada Lamela alyas Miggy, security member sa ROC, NEMRC ug nakuha gikan kaniya ang usa ka R4 gikan sa encounter site.
Dugang pa ni Col Aynera, resulta kini sa sunod-sunod nga engkwentro sugod pa niadtong Abril 7 ug Abril 17 nga miresulta sa pag-neutralize usab sa ubang mga membro sa communist terrorist groups kon CTG apil na sa asawa ni Bong Wacko nga si Lucena Canda alyas Louise ug Madi.
Gi-angkon usab sa military official nga nakasibat sa pinaka-ulahing engkwentro ang lain pang rebelde nga si alyas Tarzan ug kini karon ang padayon pang gipangita dayong awhag nga mutahan na kini samtang duna pa’y panahon aron magpuyong malinawon sama sa ubang mga kanhi niini ka-ubanan nga nakabenepisyo na sa mga programa sa gobyerno.
