BUTUAN CITY – Giabrugan sa Malacañang nga si Senate Office of the Sergeant-at-Arms (OSAA) acting chief ug retiradong Police Major General Mao Aplasca ang unang nagpabuto matud pa sa “warning shots” batuk sa mga operatiba sa National Bureau of Investigation (NBI).
Sigon ni Palace Press Officer Usec. Claire Castro nga walay gihimong pag-atake ang mga ahente sa NBI niadtong gabi-i sa Miyerkules.
Sumala pa ni Castro, nakita matud pa sa OSAA ang presensya sa NBI agents sa GSIS area nga tapad sa Blue Guard ug gelayon kining nangandam.
Dugang pa ni Castro, sa dihang miabot ang OSAA sa tulay nga nagkutay sa GSIS premises, gi-estorya matud pa niini ang usa ka opisyal sa NBI agent nga naglingkod kauban ang Blue Guard. Dinhe na matud pa nagpa-ila ang NBI personnel.
Bisan paman niini sumala sa Palasyo, gelayong nag nagpabuto og warning shot si Aplasca, nga gisundan usab sa pagpabuto og warning shot sa usa ka NBI agent.
Pasabot pa ni Castro, nga gibutang ang NBI agents sa palibot sa GSIS bandang alas-6:00 sa gabi-i human mihangyu si GSIS President og General Manager Wick Veloso para ma-secure ang dakbalay.
Ang parte sa GSIS property gi-abangan sa Senado ug ang tulay nga nagkonekta sa duha ka buhatan dunay pultahan gikan sa parte sa Senado ug ang yawe niini anaa sa OSAA.
