-- ADVERTISEMENT --
BUTUAN CITY – Dili mu-ubos sa walo ka mga tawo ang patay ug ubay-ubay ang angol human mibangga sa usa ka de-pasayrang bus ang usa ka freight train sa may Bangkok, Thailand kagahapon.
Daling gilamoy sa kalayo ang bus ug kasikbit nga mga sakyanan duol sa usa ka airport rail link station sa Bangkok. Gikumpirma sa emergency services sa Erawan Medical Center ang mga namatay samtang sigon usab sa hepe sa mga pulis nga dili usab mu-ubos sa 35 ka mga tawo ang angol.
Samtang sa iyang pagpamulong atubangan sa mga reporters, gipadayag ni Deputy Transport Minister Siripong Angka-sakul-kiat nga ang tanang mga namatay gikan sulod sa bus.
Gimando na usab ni Prime Minister Anutin Charn-virakul ang pag-imbestigar sa maong insidente.
