BUTUAN CITY- Nagpadayag og emotional nga panawagan si Senator Ronald “Bato” Dela Rosa kang President Ferdinand “Bongbong” Marcos Jr. nga dili usa kini i-surrender sa International Criminal Court kon ICC nunot sa paggawas sa taho nga Arrest warrant batok niini kalabot sa imbestigasyon sa War on Drugs sa Administration ni kanhi President Rodrigo Roa Duterte.
Sigon ni Senator Dela Rosa, nga malaumon kining protektahan sa Presidente isip kapwa Pilipino ug dili kini ihatag sa mga langayaw. Pag-insistar sa Senador, kinahanglan matud pang atimanon sa panggamhanan ang sobyeranya sa nasud tungod ming-exist matud pa ang criminal justice sa Pilipinas ug wala nay jurisdiccion ang ICC sa nasud human ming-buwag ang Pilipinas sa Rome Statue niadtong March 2019.
Sigon pa niini, nga kung aduna kini tulobagon andam niining atubangon sa mga local courts.
Nahimong emotional usab si Senator Dela Rosa samtang gihiminumdom ang iyang nahimong serbisyo sa nasud isip kanhi hepe sa Philippine National Police. Gibutyag usab niini nga, posibleng mo abot ang panahon nga masinati sa ubang lider sa nasud ang susamang sitwasyon ug pointing it out usab kang President Bongbong Marcos Jr.
Adiser paman nagsugod ang sesyon sa Senado kagahapon sa hapon, gipa-ambit sa Senador nga naglisud matud pa kini og katulog ug napugos nga mo-nom og melatonin tungod sa kabalaka nga unsa mang orasa posible kining dalhon sa The Hague Netherlands.
Samtang sigon usab ni Senator Robin Padilla, nga kung lokal nga korte sa Pilipinas ang magpagawas og warrant of arrest batok kang Dela Rosa wala na matud pa silay mahimo tungod parte kini sa presenya sa balaod. Ingun man kung maggikan sa International Criminal Court ang warrant dili niini tugotang masikop si Dela Rosa.
Dugang pa sa Senador, wala pa matud pa napamatud-an ang alegasyon batok kang Senator Dela Rosa kalabot sa Crimes Against Humanity niadtong kini pa ang Hepe sa PNP ubos sa Administrasyong Duterte.
Kahinumdumang nagpagawas ang International Criminal Court og Arrest Warrant batok kang Senator Ronald “Bato” Dela Rosa human nakita sa ICC Trial Chamber nga adunay Reasonable Grounds aron tuohang nalambigit kini sa Crimes Against Humanity Murder kalabot sa War on Drugs sa kanhi Administrasyon. Ang maong Warrant gipagawas niadtong Nobyembre 2025 apan gipublick lang niadtong Mayo 11.
