BUTUAN CITY – Mikunhod sa 2.58 milyong Pilipino ang walay trabaho o mga tambay niadtong Marso 2026, mas ubos sa 2.66 milyones niadtong Pebrero 2026.
Sigon sa National Statistician ug Philippine Statistics Authority (PSA) chief Claire Dennis Mapa, nagpasabot kini nga dunay 50 katawo sa 1,000 indibidwal ang walay trabaho o walay panginabuhian sa maong panahona.
Ang year-to-date unemployment rate usab anaa sa 5.3%, lapas sa ceiling sa gobyerno nga 4% alang sa tuig 2026 hangtud 2028.
Samtang ang ihap sa mga adunay trabaho mikunhod sa 49.07 milyon gikan sa 49.43 milyones niadtong Marso.
Sa record sa PSA, ang employment rate nagpabiling anaa sa 95%, mas taas sa 94.9% niadtong Pebrero 2026.
Ang Underemployed o mga tawong dunay trabaho na apan gusto pang makabaton og ubang kapangitaan o gusto madugangan ang oras sa trabaho misaka sa 12.3% niadtong Marso gikan sa 11.8% niadtong Pebrero 2026.
