BUTUAN CITY – Sugdan na usab karong adlawa ang pagbakuna sa mga senior citizens sa Barangay Jaguimitan, Nasipit Agusan del Norte alang sa unang dose sa bakuna.
Sumala ni Kapitan Ireneo Lauro sa eksklusibong pakighinabi sa Bombo Radyo Butuan, gibutyag niini nga mu-abot sa kapin 40 ka mga senior citizens ang dad-on karong adlawa sa sentrong bahin sa lungsod aron matupukan og bakuna batok COVID-19.
Dugang usab ni kapitan Lauro, andam usab ang ilang barangay nga mu-abag sa ilang pagkaon ilabian sa dili gilayon matupukan tungod kay dunay sundon nga proseso.
Sa karun nag-awhag kini ngadto sa uban pang mga senior citizens nga wala malakip sa listahan nga dili na magduha-duha sa pagdawat sa bakuna gikan sa gobyerno aron mahimong luwas ang tanan sa takna nga mugawas sa balay batok sa nasangpit nga virus.
Gipasigarbo usab niini nga gawas sa 19 ka mga barangay sa lungsod sa Nasipit, bugtong ang barangay Jaguimitan lamang ang pabiling zero covid-19 cases.
Apan usab matud pa magpakampante ang mga residente sa maong barangay tungod kay hangtod karun pabilin gihapon nilang gisunod ang mga helath protocols.
