BUTUAN CITY – Padayon ang gihimong imbestigasyon sa kapulisan sa Carrascal, Surigao del Sur aron ma-ilhan ug madakpan ang responsable sa pagpusil-patay sa manager sa mining company nga Strong Group Mining Corporation kon SGMC kansang patay’ng lawas, napalgan kaganinang alas-sais sa buntag sa national highway sa Brgy Bacolod.
Naila ang 48-anyos nga biktimang si Philip Engbino, temporaryong nagpuyo sa SGMC nga nahimutang sa Purok Kaayongan, Brgy Adlay sakop sa maong lungsod.
Migawas sa inisyal nga imbestigasyon sa kapulisan nga napalgan ang usa ka kolor puti nga pick-up nga gipanag-iyahan sa maong kompanya ug duna’y agi sa pinusilan sa windshield nga dapit sa panig sa driver.
Nasuta usab sa imbestigasyon nga adiser napalgan ang patay’ng lawas sa biktima, duna pa kini nakalalis nga pipila ka mga emp0leydo human gikunhuran ug giputol ang ilang mga benepisyo.
Nasuta usab sa record sa kompanya nga migawas ang sakyanang gisakyan sa biktima sa gate 2 pasado alas-4:34 kgahapon sa hapon nga nag-inusarang gisakyan sa biktima.
Padayon pa usab nga gisuta ang motibo sa maong kremin.
