BUTUAN CITY – Milanog sa kadalanan sa Myanmar ang automatic gunfire samtang nagpadayon ang ikasiyam nga adlaw na sa protesta kansa senyales nga nangandam ang militar sa himuong crackdown sa mga tawong misupak sa kudeta niadtong Pebrero 1.
Nanawagan na karon ang mga western embassies sa maong nasud ngadto sa militar nga dili mugamit ug kagubot human gikatahong anaa na sa kadalanan ang kasundaluhan sa pinakadakong siyudad nila sa Yangon.
Gimanduan na sa militar ang mga telecoms companies nga i-off ang ilang internet gikan sa alas-6:30 sa gabii rason nga gitambagan na usab sa Estados Unidos ang katawhan sa maong nasud nga manago na.
Sa pikas bahin, usa ka pamahayag ang gipagawas sa European Union, Estados Unidos ug Britanya ang nanawagan sa security forces sa maong nasud nga likayan ang pagsabwag og kagubot ngadto sa mga demonstrador kinsa nagprotesta batuk sa pagpapha sa lehitimo nilang kagamhanan.
Sigon sa usa sa mga demonstrador nga si Pyae Soe Nyien, gusto nilang buhian na sa militar ang gipangpriso nilang mga political leaders pagpanguna sa gibotaran nila ning mi-aging eleksyon nga si Ong San Su Chi ingon man ang pagbalik kanila sa demokrasya. Samtang sigon sa residente sa Yangon nga si , nakadakop sila og upat ka mga tawo nga gildudahan nilang maglusadog pagpangatake.
Nagtuo silang ang maong mga tawo, mga pinirisong gibuhian bag-uhay lang sa kasundaluhan ug niadtong Biernes, naghanyag og amnestiya ang militar alang kanila.
Sigon sa demonstrador nga si Tin Myint, nagtuo silang nakigkunsabo ang militar sa maong mga kriminal nga magsabwag og kagubot aron mas makakita sila og rason nga malugwayan pa ang ilang pagkawat matud pasa gahom sa katamhan.
