BUTUAN CITY – Nagpagawas gilayon og advisory ang embahada sa Pilipinas sa Thaland pila ka oras human nagdeklara og state of emergency ang primero ministro kaganinang buntag-oras sa Pilipinas.
Nakalatid sa advisory ang pagtambag sa tanang mga Pinoy nga atua sa maong nasud nga mag-amping ug likayan ang mga lugar nga duna’y pampublikong panagtapok.
Isip mga langyaw sa maong nasud, gipanawagan sa embahada ang tanang mga Pinoy nga musunod sa mga patakaran sa mga otoridad ug sa balaud sa maong nasud.
Alayon niini, doble ang pag-amping karon sa mga Pinoy nga atua sa Thailand human nagpagawag og emergency decree ang ilang gingharian.
Sigon sa usa ka overseas Filipino worker nga taga-Butuan ug atua na nagtudlo sa maong nasud, gidid-an sila sa paghisgot niini nga panghitabo aron dili ma-trace ug dili mabutang sa alanganin ang ilang seguridad ilabina nga hugot nga gidili ang pagsabwag og bisan unsang impormasyon kalabot sa nahitabo karon sa maong nasud.
